17 апрель куни Ўзбекистон бўйлаб ёмғир ва момақалдироқлар кутилмоқда

Ўзбекистон гидрометеорология хизмати агентлиги эртага, 17 апрель куни учун об-ҳаво ҳақида муҳим прогнози эълон қилди. Мамлакатнинг барча ҳудудларида ёмғир ёғиши ва момақалдироқлар кузатилиши кутилмоқда. Аҳолига об-ҳавонинг кескин ўзгариши ва кучли шамоллар сабаб эҳтиёткорлик тавсия этилади.

Тошкент шаҳрида куннинг иккинчи ярмида ёмғир ва момақалдироқ кузатилади. Шамол 12-15 м/с гача кучайиши мумкин. Ҳарорат кундузи 22-24°, кечаси 12-14°.

Қорақалпоғистон ва Хоразм вилоятида қисқа муддатли ёмғир ва чанг-тўзонлар кутилмоқда. Шамол 15-20 м/с гача кучайиши мумкин. Ҳарорат кундузи 18-23°.

Бухоро ва Навоийда момақалдироқли ёмғир, кучли шамол ва чанг кўтарилиши эҳтимоли бор. Кундузги ҳарорат 18-23°.

Тошкент, Сирдарё, Жиззах ва Самарқанд вилоятларида ҳам шамолли ва ёмғирли об-ҳаво бўлади. Чангли шамоллардан эҳтиёт бўлиш лозим.

Қашқадарё ва Сурхондарёда ҳарорат юқори — кундузи 25-33° атрофида, лекин ёмғир ва кучли шамоллар хатари мавжуд.

Андижон, Наманган ва Фарғонада кечга томон ёмғир кузатилади. Ҳарорат кундузи 21-26°.

Тоғли ҳудудларда эса кучли ёмғир ва сел хатарлари эҳтимоли бор. Аҳолидан эҳтиёткорлик сўралмоқда.

Ҳаво шароитидаги бундай ўзгаришлар хусусан, йўлларда ва қурилиш ишларида иштирок этувчилар учун қўшимча чоралар кўришни талаб этади. Об-ҳаво янгиликларини мунтазам кузатиб боринг. «Замин»ни Telegram’да ўқинг!