Наманганда ўқувчи Spark’ни ижарага олиб ЙТҲга учради

Наманган вилоятида 15 апрель куни икки нафар 8-синф ўқувчиси Spark автомобилини ижарага олиб, йўл-транспорт ҳодисасига учради, деб nova24.uz хабар берди.

Ҳодиса Янгинаманган туманида, тахминан соат 12:30 атрофида содир бўлган. Мактаб ўқувчилари Telegram орқали Spark’ни 8 соатга 1 миллион сўмга ижарага олишган. Улар 120 км/соат тезликка чиққан вақтда тормоз ишламай қолганини айтмоқда.

Автомобил бетон тўсиққа урилиб, болалар жароҳат билан шифохонага ётқизилди. Ижара учун пулни бола отасининг ишидан олиб, унга билдирмаган.

Маълум бўлишича, ЙҲХБ ходимлари ушбу ўқувчиларни аввал ҳам рульда ушлаб, мактабда профилактик суҳбат ўтказган. «Замин»ни Telegram’да ўқинг!