Фарғоналик фуқаро уйини контрабанда омборига айлантиргани аниқланди

Фарғона вилояти божхона бошқармаси контрабандага қарши курашиш бўлими томонидан ўтказилган тадбирда йирик миқдорда контрабанда сигаретлар аниқланди, деб хабар берди upl.uz.

Текширув жараёнида Фарғона туманида, чегара ҳудудига яқин жойда яшовчи шахснинг уйидан “Milano London” ва “Esse Change” маркали, умумий сони 12 500 дона бўлган акцизсиз сигарет блоклари топилди. Ушбу махсулотлар хорижда ишлаб чиқарилган бўлиб, ноқонуний йўл билан Ўзбекистонга олиб кирилган.

Контрабанда товарларининг умумий қиймати 220 миллион сўм деб баҳоланди.

Мазкур ҳолат юзасидан жиноий иш қўзғатилиб, тергов ишлари олиб борилмоқда. «Замин»ни Telegram’да ўқинг!