Ўзбекистонга 197 денгиз тошбақасини ноқонуний олиб киришга уринишди

Қирғизистон Республикаси Табиатни муҳофаза қилиш ва техник назорат хизмати хабарига кўра, 30 апрель куни Қирғизистоннинг "Дўстлик" чегара назорати пунктида Ўзбекистон фуқароси 197 та денгиз тошбақасини ноқонуний равишда Ўзбекистонга олиб киришга уринган. Ушбу шахсда ҳайвонларни олиб ўтиш учун зарур ҳужжатлар мавжуд эмас эди. Ҳуқуқбузарлик учун унга нисбатан маъмурий баённома тузилиб, 20 минг сом (тахминан 3 миллион сўм) миқдорида жарима солинди.

Мусодара қилинган тошбақалар вақтинча Ош шаҳридаги Навоий номидаги дам олиш боғида жойлашган хусусий зоопаркка топширилди.

Бундан аввалроқ, апрель ойи бошларида ҳам шунга ўхшаш ҳолат қайд этилган эди. Ўшанда Қирғизистон фуқаросининг рюкзакидан юзга яқин денгиз тошбақаси топилган. Унинг сўзларига кўра, бу ҳайвонларни чегарадан олиб ўтишни ундан Ўзбекистон фуқароси сўраган. «Замин»ни Telegram’да ўқинг!