Ўзбекистонда талабаларга 15 млн сўмгача фоизсиз кредит берилади

Ўзбекистон ҳукумати Work and Travel дастури иштирокчиларига 40 БРВгача (тахминан 15 млн сўм) фоизсиз кредитлар тақдим этиш тўғрисида қарор қабул қилди, деб Kursiv Media хабар берди.

Ҳар йили икки минггача талабалар ушбу кредитдан фойдаланиш имкониятига эга бўлади. Кредит олиш учун иштирокчи давлат хизматлари марказлари ёки электрон портал орқали ариза топшириши лозим. Аризага виза, даромадлар ҳақида маълумот ва иш берувчи билан тузилган шартнома илова қилинади.

Кредит мақуллангандан сўнг, уни Ўзбекистонга қайтганидан бир ой ўтиб тўлаш талаб этилади.

Work and Travel — талабалар учун энг оммабоп алмашинув дастурларидан бири бўлиб, у талабаларга хорижда ишлаш ва саёҳат қилиш имконини беради. «Замин»ни Telegram’да ўқинг!