Тошкентда 55,7 минг долларлик ноқонуний тиббий ускуналар аниқланди

Тошкентда Давлат хавфсизлик хизмати ходимлари томонидан Хитойдан келтирилган 574 минг дона ноқонуний инфузион тизимлар контрабандаси фош этилди, деб Nova24 хабар берди. 1992 йилда туғилган эркак ўз таниши ва банк ходими билан тил бириктириб, Хитойдан Ўзбекистонга қарийб 800 та қутида 574 минг дона инфузион тизимларни олиб киришга уринган. Ушбу товарни 55 700 АҚШ долларига (тақрибан 700 миллион сўм) сотиш ниятида бўлган. Экспертиза натижасида товар фойдаланишга яроқсиз деб топилди.

Ҳодиса юзасидан Ўзбекистон Республикаси Жиноят кодексининг 186-3-моддаси 3-қисми "а" банди бўйича жиноят иши қўзғатилди. Айбдорларга 7 йилдан 12 йилгача озодликдан маҳрум этиш жазоси таҳдид қилмоқда.