Тошкент метросида илк бор аёллар машинист бўлиб иш бошлади

Тошкент метрополитени тарихида илк бор аёллар электропоезд машинисти сифатида иш бошлади, деб Kursiv Media хабар берди. Ҳозирда улар тажрибали устозлар назорати остида амалиёт ўташмоқда ва яқин вақт ичида мустақил равишда поезд бошқаришни бошлашлари кутилмоқда.

Аёллар учун машинистлик бўйича танлов 2024 йилда Президент Шавкат Мирзиёев топшириғига биноан эълон қилинган. Танловда метрополитеннинг турли бўлимларида ишлаган ходималар иштирок этган. Номзодлар суҳбат, тиббий кўрик ва психологик тестдан ўтган. Натижада 16 нафар аёл қабул қилинган.

Улар 11 ой давомида интенсив ўқув курсларини ўташган: поездлардан фойдаланиш қоидалари, техник тузилиши ва пневмоқурилмалар ишлаш принципларини ўрганишган.