Тошкентда врачлар маст эркакни шифохонага ётқизмади

Тошкентда шифокорлар юраги оғриётганини айтган маст эркакни шифохонага ётқизишдан бош тортди, деб Nova24.uz хабар берди.

Гувоҳлар сўзларига кўра, эркак деярли бир кун давомида кўча бўйлаб юрак оғриғи ҳақида шикоят қилган. Республика тез тиббий ёрдам марказининг расмий маълумотига кўра, 103 рақамига қўнғироқ 31 май куни соат 12:31 да келиб тушган. 20 дақиқадан сўнг тез ёрдам жамоаси ҳодиса жойига етиб борган.

Текширув натижасида эркак енгил маст ҳолатда бўлгани аниқланган. Барча ҳаётий кўрсаткичлари меъёрда бўлган ва ҳаёт учун хавфли ҳолат кузатилмаган. Шу сабабли, тиббий кўрсатмаларга кўра, госпитализация талаб қилинмаган.

Шундан сўнг, тез ёрдам ходимлари ҳуқуқни муҳофаза қилувчи органларни чақириб, эркакни маҳаллий айниғлик марказига олиб боришган. Ёрдам чақирган шахсга эса ёлғон чақирув учун жавобгарлик ҳақида огоҳлантириш берилган. «Замин»ни Telegram’да ўқинг!