Ўзбекистон Олий Мажлиси Қонунчилик палатаси депутати, “Миллий тикланиш” демократик партияси раҳбари Алишер Қодиров парламентда муҳокамага қўйилиши мумкин бўлган янги ташаббус ҳақида маълумот берди. Унга кўра, ёши 40–50 йилдан ошган автомашиналарни босқичма-босқич фойдаланишдан чиқариш таклиф этилмоқда, деб UPL.uz хабар берди.
«Ёши 40–50 йил бўлган автомашиналарни эксплуатациядан чиқариш — жуда тўғри ташаббус. Ҳатто 25–30 йиллик машиналарни чеклаш ҳам нотўғри эмас, деб ўйлайман. Фақатгина уларни алмаштириш учун қулай шартлар бўлиши керак», — деди Қодиров.
Шунингдек, у ҳаракат тезлигига чекловларни жойлашув, вақт ва эҳтиёжга қараб белгилашни ҳам таклиф қилди.
«Масалан, аҳоли яшамайдиган йўлларда, масофа катта бўлган автомагистралда 130 км/соатда юриш нимага мумкин эмас?» — дея савол қўйди депутат.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
