Ўзбекистонлик аёл Волгоградга 41 кг инсон сочини олиб кирмоқчи бўлди, деб Kursiv.media хабар берди.
Волгограднинг Гумрак аэропортида 37 ёшли Ўзбекистон фуқаросидан катта миқдорда инсон сочлари олиб қўйилди. Аёл Дубайдан келган ва божхонадаги “яшил коридор” орқали икки чемодан билан декларация тақдим этмасдан ўтишга уринган.
Текширув пайтида божхона ходимлари унинг юкидан жами 222 боғлама табиий инсон сочи аниқлади. Уларнинг умумий оғирлиги 40,9 кг ни ташкил қилган. Экспертизага кўра, юкнинг баҳоси 4,3 миллион рублдан (тақрибан 5,5 минг доллар) зиёдни ташкил этган.
Ўзбекистонлик аёл сочларни Москвадаги гўзаллик салонида ишлатиш учун олиб келганини, лекин декларация тўлдириш кераклигини билмаганини айтган.
Волгограднинг Дзержинск туман суди ушбу товарни маъмурий ҳуқуқбузарлик сифатида давлат фойдасига мусодара қилиш ҳақида қарор чиқарди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
