Бухорода корхона ҳудудида содир этилган ўғирлик бўйича жиноят иши қўзғатилди, деб Бухоро вилояти ИИБ матбуот хизмати хабар берди.
2024 йил 6 май куни Бухоро шаҳрида жойлашган корхонага номаълум шахслар ноқонуний кириб, видеокузатув тизими қисмлари, 30 метр электр кабели ва музлатгичнинг эҳтиёт қисмларини ўғирлаб кетишган. Ушбу ҳаракатлар натижасида корхонага етказилган моддий зарар 58,7 миллион сўмни ташкил этди, деб Upl.uz ёзди.
Ўзбекистон Жиноят кодексининг 169-моддаси 2-қисмига асосан жиноят иши қўзғатилди. Текширув давомида ушбу ишда Тошкент вилоятида туғилган, 2002 йилда туғилган шахс ва унинг шериги гумон қилинмоқда. Улар беш йилгача озодликдан маҳрум этилиши мумкин.
Ҳозирда терговчилар уларнинг бошқа жиноятларда иштирок этган-этмаганини текширмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
