Пойтахтда такси ҳайдовчиси қизга зўравонлик қилди, текширув бошланди

Тошкентда такси ҳайдовчиси қизга тажовуз қилгани ҳақидаги хабар ижтимоий тармоқларда кенг тарқалди, деб UPL.uz сайти хабар берди.

Facebook’даги йирик гуруҳларда эълон қилинган маълумотларга кўра, жабрланувчи иш жойида «эшикдан эшикка» етказиб бериш хизмати учун такси чақирган. Ҳайдовчи офисга кўтарилишни рад этган ва мижознинг ўзи тушиши кераклигини айтган.

Қиз ташқарига чиққанидан сўнг, ҳайдовчи унга қўнғироқ қилган. У буюртма тўланмаганини билмаган ва у пайтда ўзида пул ҳам бўлмаган. Қиз ҳайдовчига офисга кириб пулни олишни таклиф қилган. Шунда ҳайдовчи унга тажовуз қилиб, қўлларидан ушлаб силкитган, сўнгра қўлларини синдириб посилкани тортиб олган. Жабрланувчи ички ишлар органларига ариза ёзганини маълум қилган.

Яндекс.Такси матбуот хизмати UPL.uz мухбирига бундай ҳолатлар қабул қилиб бўлмаслигини, курьер хизматдан четлатилганини ва ички текширув бошланганини маълум қилди. Шунингдек, ҳуқуқни муҳофаза қилувчи органлар билан ҳамкорликка тайёр эканликларини билдирди. «Замин»ни Telegram’да ўқинг!