Тошкентда писта ишлаб чиқариш корхонасида ёнғин содир бўлди

Ўзбекистон Республикаси Вазирлар Маҳкамаси ҳузуридаги Фавқулодда вазиятлар вазирлиги матбуот хизмати 11 июль куни соат 03:15 да Тошкент шаҳри, Олмазор тумани, Уста Ширин кўчасидаги писта ишлаб чиқариш корхонасида ёнғин содир бўлгани ҳақида хабар берди.

Бир неча дақиқадан сўнг, яъни соат 03:20 да фавқулодда вазиятлар ходимлари ҳодиса жойига етиб боришди ва ёнғинни ўчириш ишларини бошладилар. Соат 04:06 да ёнғин маҳаллийлаштирилди, соат 04:14 да эса тўлиқ ўчирилди. Ёнғинни ўчиришда 12 та ёнғин-қутқарув гуруҳи ва 2 та махсус ёрдам техникаси қатнашди.

Ҳодиса оқибатида жабрланганлар йўқ. Ҳозирда ёнғин сабаблари ва моддий зарар миқдори аниқланмоқда, деб хабар бермоқда Фавқулодда вазиятлар вазирлиги матбуот хизмати. «Замин»ни Telegram’да ўқинг!