Тошкент шаҳрида акциз маркаларисиз электрон сигареталарни ноқонуний сотиш ҳолати аниқланди, деб UPL.uz хабар берди.
Бош прокуратура ҳузуридаги Департаментнинг Яшнобод тумани бошқармаси ходимлари томонидан ўтказилган тезкор тадбир чоғида 365 дона “Loco” русумли электрон сигаретани 61 миллион сўмга сотишга уринган шахс қўлга олинди.
Мазкур электрон тамаки маҳсулотларида акциз маркалари мавжуд эмаслиги уларнинг Ўзбекистон ҳудудига ноқонуний йўллар билан олиб кирилганини тасдиқлайди.
Ҳолат юзасидан Ўзбекистон Республикаси Жиноят кодексининг "Этил спирти, алкоголь ва тамаки маҳсулотларининг ноқонуний айланмаси ёки ишлаб чиқарилиши" моддаси бўйича жиноий иш қўзғатилди.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
