Сурхондарё вилоятидаги автоёқилғи қуйиш шохобчасида сифатсиз ёқилғи сотилгани аниқланди, деб хабар берди Uzenergoinspeksiya матбуот хизматига таяниб UPL.uz.
Ангор туманида жойлашган “A.A.K” хусусий корхонасига қарашли АЗС фаолияти Ўзэнергоинспекциянинг ҳудудий бошқармаси томонидан текширувдан ўтказилди. Мутахассислар томонидан АИ-92 маркали бензин ва дизел ёқилғисининг намуналари олиниб, лаборатория таҳлили учун юборилди.
Таҳлил натижаларига кўра, намуналар белгиланган давлат стандартларига жавоб бермаслиги сабабли сифатсиз деб топилди.
Ушбу ҳолат юзасидан АЗСга нисбатан молиявий санкциялар қўлланилди ва 16,4 миллион сўм миқдорида жарима солинди. Шунингдек, уларга сифатсиз нефт маҳсулотларини реализация қилишга йўл қўймаслик ва ёқилғи сифатини тиклаш бўйича кўрсатма берилди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
