Тошкент шаҳри Сергели туманида жойлашган дўконга ўғирликка кирган шахс қисқа вақт ичида қўлга олинди. Бу ҳақда пойтахт Ички ишлар бош бошқармаси матбуот хизмати маълум қилди, деб хабар берди UPL.uz.
Маълум қилинишича, Чоштепа кўчасида жойлашган ва Департаментнинг қўриқлаш хизматига уланган дўкондан сигнал келиб тушган. Ҳодисалар жойига етиб борган ИИО ходимлари дўкон томи ёпмаси бузилганини ва номаълум шахс футболкани бошига кийиб, юзини камералардан яширишга уринганини аниқлашди. У дўконга кириб, у ердан 300 дона сигарет блокини ўғирлаб, қочишга уринган.
Тезкор ҳаракатлар натижасида ички ишлар ходимлари ушбу шахсни ушлашга муваффақ бўлди.
Дўкон соҳибасининг айтишича, у аввал ҳам бир неча марта ўғирликка учраган, аммо ҳимоя тизими ўрнатилгандан сўнг биринчи марта ўғри тезда ушланган.
Ҳодиса юзасидан Ўзбекистон Республикаси Жиноят кодексининг «Ўғирлик» моддаси бўйича жиноят иши қўзғатилган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
