Ижтимоий тармоқларда бандлик ва меҳнат вазирлиги ходимлари иштирокида бўлиб ўтаётган видеомажлисдан сурат тарқалди. Унда Самарқанд вилояти Каттақўрғон туманидан иштирок этган ходимнинг аёл кишини тиззасига ўтқизиб олган ҳолда иштирок этгани акс этган. Бу ҳолат ижтимоий тармоқларда кенг муҳокама қилинди ва шундан сўнг вазирлик ўз муносабатини билдириб, вазиятни “давлат хизматчисининг одоб-ахлоқ қоидаларига зид” деб баҳолади.
Бандлик вазирлиги мазкур вазият бўйича қарор қабул қилиб, мазкур ходимлар билан меҳнат шартномасини бекор қилишни маълум қилди. Вазирлик шунингдек, ўз тизимида хизмат интизоми ва одоб-ахлоқ қоидаларини бузганларга нисбатан муросасизлик принципига амал қилишини таъкидлади.
Вазирликнинг бу муносабати давлат хизматида одоб-ахлоқ қоидаларининг муҳимлигини яна бир бор кўрсатиб, барча ходимлар учун ушбу қоидаларга қатъий риоя қилиш кераклигини эслатиб ўтди.
«Замин»ни Telegram’да ўқинг!
