Санэпид идораси музқаймоқ ҳақидаги асоссиз хабарларга ойдинлик киритди

Ўзбекистон Санэпидқўмитаси айрим тармоқларда тарқалган “музқаймоқ инсонни ўлимга олиб келиши мумкин” деган хабарларни асоссиз деб рад этди, деб Kursiv.media хабар берди.

Идоранинг маълум қилишича, мамлакатда савдога чиқарилаётган музқаймоқлар санитария талабларига тўлиқ жавоб беради. Барча маҳсулотлар сотувга чиқишдан олдин текширувдан ўтказилади.

Шу билан бирга, қўмита аҳолини асоссиз хабарларга ишонмасликка ва расмий маълумотларга таянишга чақирди. Мазкур хабарлар аҳоли орасида асоссиз хавотир уйғотгани таъкидланди.