Бухорода 69 ёшли кўзи ожиз аёл қўшнисига пичоқ билан зарба бериб, унинг ўлимига сабабчи бўлди. Бу ҳақда “Миллий” телеканали орқали маълум қилинди.
Маълумотларга кўра, марҳум эркак бир неча йил давомида аёл билан яқин қўшничилик ва дўстона муносабатда бўлган. Кўзи кўрмайдиган аёлнинг уйига у тез-тез меҳмон сифатида кириб турган.
Нафақа пулини олган аёл буни нишонлаш мақсадида қўшниси билан бирга спиртли ичимлик истеъмол қилган. Сўнгра маст ҳолдаги эркак уни яна ичишга чорлаб, ҳақоратли гаплар айта бошлаган. Шу пайтда аёл жаҳлга берилиб, қўлидаги ошхона пичоғи билан унга ҳужум қилган.
“Мен ҳеч қачон бунақа ҳолат содир бўлишини хоҳламаганман. Унга доим ёрдам беришга ҳаракат қилар эдим. Аммо у мени ҳақорат қилиб, ҳурматсизлик кўрсатгани ва ичкиликка мажбур қилгани учун жаҳл билан ҳаракат қилдим. Кўзларим кўрмаслиги сабабли унинг ўлиб қолишини ўйламаганман”, — дея айбланувчи судда кўрсатма берган.
Когон шаҳар жиноят ишлари бўйича суди айбланувчига ҳукм чиқарди. У Жиноят кодексининг тегишли моддаларига асосан 5 йилга озодликдан маҳрум этилди.
«Замин»ни Telegram’да ўқинг!
