Бугун мода оламида энг буюк тимсолларидан бири билан видолашмоқда. Курсив.медиа хабар беришича, афсонавий италиялик модельер Жоржо Армани 91 ёшида оламдан ўтди. Унинг вафоти ҳақида дастлаб Репубблиcа газетаси маълум қилди.
Армани яқинлари даврасида ҳаётдан кўз юмди. У 1934 йил 11 июлда Пячензада туғилган ва узоқ фаолияти давомида нафақат ўз номидаги брендни яратди, балки бутун бир авлод учун нафосатлилик мезонларини ҳам белгилаб берди.
Армани модадан ташқари кино соҳасида ҳам из қолдирди. У 100 дан ортиқ фильм, жумладан, машҳур "American Gigolo" ва "The Untouchables" каби асарлар учун либослар устида ишлаган.
Умрининг сўнгги кунларигача у ўз мода уйининг ижодий раҳбари ва ягона эгаси бўлиб қолди. Армани ҳатто деярли бутун умри давомида меҳнат қилган брендининг 50 йиллигини нишонлашга тайёргарлик кўраётган эди.
"Financial Times"га берган сўнгги интервьюсида у эътироф этди: "Мен афсусланадиган ягона нарса шуки, жуда кўп вақтимни ишга бағишладим, дўстларим ва оиламга эса жуда оз вақт ажратдим."
Жоржо Арманининг вафоти нафақат саноат учун йўқотиш, балки бир даврнинг интиҳоси бўлди. Унинг номи шахсан сиз учун қандай аҳамиятга эга?
«Замин»ни Telegram’да ўқинг!
