Олий таълим, фан ва инновациялар вазирлиги ижтимоий тармоқларда тарқалган ётоқхонага жойлаштиришдаги муаммолар юзасидан расмий муносабат билдирди, деб хабар берди Uz24.uz.
Маълум қилинишича, аризалар махсус маъмурий регламент асосида кўриб чиқилмоқда. Устуворлик эса ижтимоий ҳимояга муҳтож талабаларга берилади.
2025 йил 12 сентябр ҳолатига кўра, 63 804 нафар 1-босқич талабасидан 40 265 нафари автоматик йўлланма олган. 21 767 талаба эса навбатда турибди: 15 796 нафари кундузги, 5 450 нафари эса ОТМ ҳудудида яшовчилардир.
“Жараёнда” мақоми: бу рад этиш эмас, балки бўш ўринлар бўйича автоматик навбат шаклланганини англатади. Талабалар мурожаати бекор қилинмайди, бўш ўринлар пайдо бўлиши кутилмоқда.
Қўшимча имконият: ойлик ижара тўловларининг маълум қисми давлат томонидан қоплаб берилади.
«Замин»ни Telegram’да ўқинг!
