Деновда 15 ёшли қиз турмушга чиқди
Сурхондарё вилояти, Денов туманидаги Озод маҳалласида 15 ёшли қизнинг 10-август куни никоҳ маросими ўтказилган. 2025-йил июл ойида маҳалла еттилиги ва ижтимоий ходимлар бу ҳолат қонунга зид эканини билдирган ҳамда оилага огоҳлантириш берган. Маҳаллий профилактика инспектори айбдорларга жарима ва маъмурий жавобгарлик чораларини қўллаган. Ҳозирда қиз Денов туманидаги касб-ҳунар мактабида ўқимоқда, унинг ҳуқуқлари ва таълим жараёни тегишли ташкилотлар назоратида.
Сўнгги кунларда ижтимоий тармоқларда тарқалган «15 ёшли қизни ким турмушка берди?» сарлавҳали хабарлар юзасидан Ижтимоий ҳимоя миллий агентлиги расмий муносабат билдирди, деб Kursiv.media хабар берди.
Маълум қилинишича, мазкур ҳолат Сурхондарё вилояти, Денов туманидаги Озод маҳалласидан аниқланган. 2025 йил июл ойида маҳалла еттилиги ва ижтимоий ходимлар ушбу қизни турмушка бериш қонунга зид эканини таъкидлаб, оилага огоҳлантириш берган.
Шунга қарамай, 10 август куни никоҳ маросими ўтказилган. Бу ҳолат юзасидан маҳаллий профилактика инспектори томонидан маъмурий жавобгарлик чораси кўрилган ва айбдорларга жарима тайинланган.
Ҳозирда ушбу қиз Денов туманидаги касб-ҳунар мактабида таълим олмоқда. Унинг ҳуқуқлари ва ўқув жараёни мутасадди идоралар томонидан доимий назоратга олинган.
Изоҳлар 0
…