Наманганда ноқонуний крипто савдоси фош этилди

Наманганда қиймати 2,2 миллиард сўмга тенг крипто-активларни ноқонуний айирбошлаган икки шахс қўлга олинди, деб хабар берди вилоят ИИБ.

Маълумотларга кўра, Косонсой туманида яшовчи 24 ёшли фуқаро лицензиясиз Binance платформасида савдо қилган. У жорий йил мартдан май ойигача 542 миллион сўмлик 35 та битим амалга оширган. Далилий ашё сифатида iPhone 11 олинган.

Шунингдек, Норин туманида яшовчи 37 ёшли шахс майдан ноябрга қадар умумий қиймати 1,7 миллиард сўм бўлган 35 та ноқонуний операция ўтказгани учун қўлга олинди. Уларнинг иши бўйича Жиноят кодексининг 278-8-моддасига асосан жиноят иши қўзғатилди.