29 сентябрь, соат 12:00 ҳолатига кўра, Тошкент вилоятида болалар боғчаларида юз берган оммавий заҳарланиш оқибатида 38 нафар бола шифохоналарда даволанмоқда. Бу ҳақда Санитария-эпидемиология осойишталик ва жамоат саломатлиги қўмитаси раиси биринчи ўринбосари Нурмат Отабеков маълум қилди, деб хабар беради UZ24.uz.
Отабековга кўра, болаларнинг аҳволи яхшиланиб бормоқда ва уларни тез орада касалхонадан чиқариш режалаштирилган. Ота-оналарга мунтазам равишда болаларнинг ҳолати тўғрисида ахборот бериб бориляпти.
Дастлабки маълумотларга кўра:
• Тошкент вилоятининг 7 тумани ва шаҳарларида тахминан 2 000 нафар бола заҳарланган
• Барча болалар бир хилдаги кефир маҳсулотини истеъмол қилган
Ҳуқуқий чоралар:
• Жиноят иши қўзғатилган
• 7 нафар гумонланувчи қўлга олинган
