Бугун Павел Дуровнинг таваллуд куни. У нафақат замонавий ахборот технологиялари соҳасида, балки сўз эркинлиги ва шахсий дахлсизлик йўлидаги саъй-ҳаракатлари билан ҳам танилган шахс ҳисобланади.
2006 йилда у “VKontakte” ижтимоий тармоғини таъсис этган бўлиб, бу тармоқ қисқа вақт ичида Россия ва МДҲдаги энг оммавий платформалардан бирига айланди.
2013 йилда Павел акаси Николай Дуров билан биргаликда Telegram мессенжерини яратди. Бу илова махфийлик ва хавфсизликни таъминлашдаги инновацион ёндашуви билан дунё миқёсида шон-шуҳрат қозонди. Бугунги кунда Telegram’нинг 1 миллиарддан ортиқ фаол фойдаланувчиси бор.
Forbes маълумотларига кўра, Павел Дуровнинг бойлиги 17,1 миллиард долларга тенг — бу уни дунёдаги энг бой технологик тадбиркорлардан бири сифатида кўрсатади.
У ҳукумат босимига қарамай, фойдаланувчиларнинг шахсий маълумотларини беришдан бош тортган, ва “бизнес одамларга хизмат қилиши керак, назорат манфаатларига эмас”, деган фикри билан миллионлаб инсонларнинг ҳурматини қозонган.
Халқаро эътироф:
• “30 ёшгача бўлган энг истиқболли етакчи” деб тан олинган
• Young Global Leaders дастури иштирокчиси
• Fortune “40 Under 40” рўйхатига киритилган
Павел Дуровни таваллуд куни билан муборакбод этамиз!
“Zamin”ни Telegram'да ўқинг!
