Бухорода суд ходими 600 доллар пора билан ушланди

Бухоро вилоятида суд ходими пора билан ушланди, деб хабар берди Давлат хавфсизлик хизмати (ДХХ) матбуот хизмати. Тезкор тадбир ДХХ ва Бош прокуратура ҳузуридаги Департамент томонидан ўтказилган.

Тадбир давомида Ғиждувон туман суди архиви катта ходими 600 доллар олаётганда қўлга олинди. Маълум бўлишича, у жами 700 доллар эвазига танишлари орқали жиноят ишлари бўйича Когон шаҳри судида кўрилаётган иш бўйича айбланувчининг ҳукмини енгиллаштириш ва кейинчалик ўзгартирмасликка ёрдам беришни ваъда қилган. У илгарироқ 100 доллар олгани ҳам аниқланган.

Мазкур ҳолат юзасидан жиноят иши қўзғатилди. Ҳозирда тергов ҳаракатлари олиб борилмоқда. Гумонланувчига нисбатан қамоқ эҳтиёт чораси қўлланилган.

Манба: Upl.uz

Нодирбек Раззоков

«ZAMIN.UZ» муҳаррири