2024 йилда Ўзбекистонда 926,4 минг нафар чақалоқ туғилган, деб хабар бермоқда “Оила ва гендер” илмий-тадқиқот институти. Бу эса ҳар 34 сонияда битта чақалоқ туғилаётганини англатади.
Статистикага кўра, ҳар куни ўртача 2 531 нафар, ҳар соатда 105 нафар, ҳар дақиқада 2 нафар бола дунёга келмоқда.
Қиёсий рақамлар: ҳар дақиқада Қозоғистонда – 0,6, Тожикистонда – 0,5, Қирғизистонда – 0,3, Туркияда – 3, Хитойда – 17,1, Ҳиндистонда – 43,6, Германия ва Францияда эса 1,4 нафардан бола туғилади.
Институтнинг изоҳига кўра, бу шунчаки статистика эмас. Бу рақамлар Ўзбекистонда оила институтининг мустаҳкамланаётгани, ёшлар улуши юқорилиги, демографик дивиденд даври давом этаётганини ва меҳнат бозори, таълим ҳамда ижтимоий инфратузилмага бўлган талаб ортишини англатади.
Манба: Uz24.uz
“Zamin”ни Telegram'да ўқинг!
