Украинада Россия томонида жанг қилган ўзбекистонлик Зуҳриддин Юлдашев украин ҳарбийлари томонидан асирга олинди, деб UPL хабар берди. У ҳақида видео ижтимоий тармоқларда тарқалди.
Маълумотларга кўра, 31 ёшли Бухоро вилоятидан бўлган Юлдашев украин ҳарбий дрони олдида таслим бўлган. У урушга мажбуран юборилганини билдирган. ОАВга кўра, унга наркотик модда тарқатиш айби қўйилган ва у жазодан қутулиш учун “махсус ҳарбий операция”да қатнашишни танлаган.
Асирликда Юлдашев Россия армиясидаги тартибсизликлар, ҳарбийлар ўз маблағига жиҳозлар сотиб олаётгани ҳақида гапирган. Шунингдек, у Ўзбекистон ҳукуматидан уни ватанга қайтаришни сўраган. Эслатиб ўтамиз, Ўзбекистон фуқароларига хориждаги ҳарбий можароларда қатнашиш тақиқланган ва бунга жиноят иши қўзғатилиши мумкин.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
