Ўзбекистонда йўл ёқасидаги пуллик парковкалар учун тўлов қилмаслик ҳолатларига қарши катта миқдордаги жарималар жорий этиш таклиф қилинмоқда, деб Spot ахборот агентлиги хабар берди. Ушбу таклиф Тошкент шаҳар ҳокимлиги томонидан илгари сурилган.
Таклиф 15-октябрь куни Президент Шавкат Мирзиёевнинг БРТ тезкор автобусида транспорт инфратузилмаси билан танишуви давомида тақдим этилган. Айниқса, Шота Руставели кўчасида кузатилган тўлов қилинмаган ва тартибсиз тўхташ ҳолатлари муаммонинг долзарблигини кўрсатган.
Ҳозирги қонунчиликда тўлов қилмаслик учун аниқ жазолар мавжуд эмас. Таклифга кўра, парковка тўлови қилинмаса, 2 баробар БҲМ (тахминан 824 000 сўм) жарима жорий этилиши мумкин. Шунингдек, ҳокимият эвакуация ва вақтинча сақлаш майдонлари етишмаслиги муаммосини кўтариб, янги махсус жойлар ташкил қилишни таклиф қилмоқда.
“Zamin”ни Telegram'да ўқинг!
