Туркияда 5 нафар ўзбекистонлик 61 кг олтин билан ушланди
Туркиянинг Кападокия аэропортида ўтказилган операция давомида хамир ва гўшт майдалагичлар ичига яширилган 61 килограмм 121 грамм олтин топилди, деб Uz24.uz хабар берди. Ҳодиса муносабати билан олти киши ҳибсга олинган бўлиб, улардан беш нафари ўзбекистонлик экани аниқланган.
Полициянинг контрабанда ва уюшган жиноятчиликка қарши кураш бўлими ходимлари келиб тушган маълумот асосида аэропортда текширув ўтказган. Самолёт орқали етиб келган 6 нафар шахснинг чемоданлари сканер орқали кўриб чиқилган ва хамир ҳамда гўшт майдалагичлар шубҳали деб топилган.
Қурилмалар ичида 24 каратли 61 кг 121 грамм олтин аниқланган. Унинг бозор қиймати тахминан 350 миллион турк лираси (ўртача 11 миллион доллар ёки 1,37 трлн сўм) деб баҳоланмоқда.
Ҳозирда контрабанда қилинган олтин мусодара қилинган, 6 нафар гумондор полиция сўроғидан сўнг судга жўнатилган. Туркия ҳуқуқни муҳофаза қилувчи органлари ушбу ҳолат бўйича жиноят ишини қўзғатган.
- #Кападокия Аэропорти
- #Контрабанда Қилинган
- #Олтин Мусодара
- #Уюшган Жиноятчилик
- #Полиция Текшируви
- #Олтин Топилди
- #Контрабанда Операцияси
- #Политсия Текшируви
- #Жиноят Иштироки
Обуна билан реклама бўлмайди
Zamin Premium — ойига 4 900 сўм
Мавзуга оид янгиликлар
Изоҳлар0
…