Мамлакатда жамоат хавфсизлигини мустаҳкамлаш ва жиноятчиликнинг олдини олиш мақсадида янги ташкилий ўзгаришлар киритилмоқда. Хусусан, криминоген вазияти оғир бўлган ҳудудлардаги маҳаллаларда қўриқлаш хизмати инспектори лавозими жорий қилинади.
Ушбу лавозим Маҳалла ҳуқуқ-тартибот масканлари тузилмасига киритилиб, жойлардаги хавфсизликни самарали таъминлаш, тезкор муносабат билдириш ва жиноятчиликни эрта аниқлашда муҳим аҳамият касб этади.
Бундан ташқари, Қўриқлаш департаментига қўриқланадиган объектларга ўрнатилган техник воситалар ва тизимларга хизмат кўрсатиш ҳуқуқи берилади. Бу тизимлар орқали хавфсизликни техник жиҳатдан назорат қилиш самарадорлиги оширилади.
Яна бир муҳим янгилик – "Хавфсиз таълим" концепцияси жорий этилмоқда. У қуйидагиларни ўз ичига олади:
- Давлат, нодавлат ва хорижий таълим муассасаларининг хавфсизлигини жисмоний ва техник қўриқлаш асосида таъминлаш;
- Қўриқлаш сигнализацияси, ташвиш тугмаси, видеокузатув мосламалари каби хавфсизлик тизимларини ўрнатиш ва уларга техник хизмат кўрсатиш.
Шунингдек, криминоген вазият оғир бўлган жойлар, туристик объектлар ва оммавий дам олиш ҳудудларида қўриқлаш-патрул хизмати нарядлари ташкил этилади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
