11:56 / 11.02.2017
5 922

Мовий Юпитернинг янги суратлари чоп этилди

Мовий Юпитернинг янги суратлари чоп этилди

Юпитернинг "Жуно" (Юнона) космик аппарати томондан олинган янги суратлари унинг жанубий ва шимолий қутбларидаги атмосферани батафсил кўришга ёрдам беради, деб ёзади Кун нашри.

Космик аппарат тўхтовсиз ишлашда давом этмоқда ва NASA мутахассисларига сайёранинг қубтлари суратларини жўнатди. Суратлардан кўринишича, сайёранинг қутблари мовийроқ рангга эга экан.

Ушбу суратлар 2 февралда Юпитердаги булутларнинг юқори қатламидан 102 минг км юқоридан олинган. Атмосферанинг бу қисмида улкан сайёра ўлчамларига кўра кичик бўлган бўронлар кўплаб юз беради. Эҳтимол, айнан шу сабабли у мовий рангга эга бўлиши мумкин.

Яна бир суратда сайёранинг жанубий қисми тасвирланган. Бу қисмда ҳам тўфонлар ва бўронлар юз беради, бироқ улар бу ерда барқарорроқ ва бир неча йиллар давом этади. Тахминлардан бирига кўра, тўфон атмосферанинг юқори чегараси билан бир хил баландликда бўлса, унинг ранги оқ бўлади. Бироқ унинг кучи ортса, у булутлар қатламидан юқорироққа кўтарилади ва бу ерда Қуёшнинг ультрабинафша нурланиши унинг таркибини кимёвий ўзгартириб, унга қизғиш ранг беради. Сайёранинг бу қисмида ҳамма тўфонлар оқ рангда бўлади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Мовий Юпитернинг янги суратлари чоп этилди