Ўзбекистонда йўл ҳаракати қоидаларини бузган ва ҳайдовчилик ҳуқуқидан маҳрум этилган шахсларга нисбатан назорат кескин кучайтирилди. Эндиликда ҳайдовчилик гувоҳномасига эга бўлмаган ёки ушбу ҳуқуқдан вақтинча четлатилган фуқаролар автомобиль бошқарса, замонавий кузатув камералари буни автоматик тарзда аниқлайди.
Янги қоидаларга кўра, ҳуқуқсиз ҳолда рулга ўтирган шахсларга нисбатан жиддий молиявий ва жиноий чоралар кўрилади. Агар қоидабузарлик биринчи марта содир этилса, ҳайдовчи 20,6 миллион сўм миқдорида жаримага тортилади. Агар ушбу ҳолат такрорланса, қонунбузар 3 йилгача озодликдан маҳрум этилиши мумкин.
Ушбу чора-тадбирлар йўлларда тартибни ўрнатиш ҳамда йўл-транспорт ҳодисаларининг олдини олиш мақсадида жорий этилмоқда. Мутахассислар ҳайдовчиларни қонун талабларига риоя қилишга ва ўзгалар ҳаётини хавф остига қўймасликка чақирмоқда. Эсингизда бўлсин, қоидабузарлик нафақат ҳамёнингизга, балки эркинлигингизга ҳам зомин бўлиши мумкин.
“Zamin”ни Telegram'да ўқинг!
