Ғузорда солиқ қарзи учун Chevrolet MENLO хатланди
Ғузор туманида 84 миллион сўм солиқ қарзи бўлган «O'lmas Jabbor o'g'li» фермер хўжалигига тегишли Chevrolet MENLO автомобили хатланди. Қарздорлик ихтиёрий равишда тўланмагани сабабли, транспорт воситаси жарима майдончасига жойлаштирилган. Ушбу чора солиқ мажбуриятларининг қатъий ижросини таъминлаш ва қонун устуворлигини кўрсатиш мақсадида амалга оширилди.
Ғузор туманида солиқ қарздорлигини ундиришга қаратилган ижро ҳаракатлари давомида қарздор фермер хўжалигига тегишли автотранспорт воситаси хатланди. Қарздорлик миқдори 84 миллион сўмни ташкил этган.
Бюронинг Ғузор туман бўлими давлат ижрочиси томонидан “O'lmas Jabbor o'g'li" фермер хўжалигининг солиқ қарздорлигини ундириш юзасидан ижро ҳаракатлари олиб борилди.
Қарздор томонидан белгиланган муддатларда солиқ мажбуриятлари ихтиёрий равишда бажарилмаганлиги сабабли, қонунчиликда белгиланган тартибда мажбурий чоралар қўлланилди.
Жумладан, фермер хўжалигига тегишли бўлган Chevrolet MENLO русумли автотранспорт воситаси хатланиб, вақтинча сақлаш учун жарима майдончасига жойлаштирилди.
Cолиқ мажбуриятларини ўз вақтида бажармаслик мажбурий ижро чораларини қўллашга олиб келади. Қонун устуворлиги таъминланган шароитда ҳар бир қарздор ўз мажбуриятини бажариши шарт.
Изоҳлар 0
…