Боғот туманлараро иқтисодий судининг ижро варақасига асосан қарздор “Ашхобод Боғот” МЧЖдан ундирувчи банк фойдасига жами 2,5 млрд. сўм ундириш ва ундирув гаровга қўйилган шерик жавобгар бошқа МЧЖга қарашли умумий ер майдони 3000,0 кв. метр, қурилиш ости майдони 648,27 кв. метр ва фойдали майдони 616,75 кв. метр бўлган Боғот тумани ҳудудида жойлашган “маҳалла гузари” биноси ва иншоотларига қаратиш ҳақидаги ижро ҳужжати Бюронинг Хоразм вилояти бошқармаси иш юритувига келиб тушган ва ижро ҳаракатларига киришилган.
Давлат ижрочиси С.Қличев томонидан жамият раҳбарига қарздорлик ихтиёрий берилган муддат давомида бартараф этилмаса, гаровга қўйилган бино ва иншоотлар хатланиб, электрон онлайн савдосига чиқарилиши ва савдодан тушган пул эвазига қарздорликни қоплаш чоралари кўрилиши тушунтирилган.
Олиб борилган ижро ҳаракатлари жараёнида қарздор томонидан банк олдидаги кредит мажбуриятлари бажарилмаганлиги сабабли, гаров мулки ҳисобланган “маҳалла гузари” бинолари ва иншоотлари хатланиб, 3,1 млрд. сўмда белгиланган тартибда электрон онлайн-аукционларни ташкил этиш маркази орқали “E-AUKSION” ягона электрон савдо майдончасида сотиш учун савдога чиқарилди.
“Zamin”ни Telegram'да ўқинг!
