Ўзбекистонда видеокузатув камералари ёрдамида транспорт воситасини бошқариш ҳуқуқига эга бўлмаган ёки ушбу ҳуқуқдан маҳрум этилган шахслар томонидан машина бошқариш билан боғлиқ 192 та ҳолат қайд этилди. Махсус техник воситалар ёрдамида аниқланган ушбу қоидабузарликлар бўйича тегишли чоралар кўрилмоқда. Бу ҳақда Uzdaily.uz хабар беради.
Ҳудудлар кесимида энг кўп қоидабузарлик Хоразм вилоятида кузатилган бўлиб, у ерда 60 та ҳолат рўйхатга олинган. Шунингдек, Тошкент шаҳрида 40 нафар ҳайдовчи тегишли ҳужжатларсиз рул бошқарувида экани аниқланган. Ушбу маълумотлар йўл ҳаракати хавфсизлигини таъминлаш мақсадида ўрнатилган камералар орқали тасдиқланган.
Расмий маълумотларга кўра, 32 та ҳолатда қоидабузарларга нисбатан базавий ҳисоблаш миқдорининг 50 баравари, яъни 20 млн 600 минг сўм миқдорида жарима қўлланилган. Яна 31 та ҳолатда эса ҳайдовчилар БҲМнинг 5 баравари миқдоридаги — 2 млн 60 минг сўмлик жаримага тортилган. Ҳозирда кузатув камералари ҳайдовчилик гувоҳномаси йўқлигини масофадан аниқлаш имконини бермоқда.
“Zamin”ни Telegram'да ўқинг!
