Ўзбекистонда ҳар 1000 та никоҳга 175 та ажрим тўғри келмоқда

Ўзбекистонда никоҳлар ҳолати бўйича ўтказилган таҳлиллар натижасида мамлакатдаги оилавий барқарорлик кўрсаткичлари маълум қилинди. 2025 йил ҳолатига кўра, республикада никоҳ барқарорлиги коэффициенти 175,6 промиллени ташкил этмоқда.

Ушбу рақамлар мамлакатда қайд этилган ҳар 1000 та никоҳга ўртача 175 та ажрим тўғри келишини кўрсатади. Ҳудудлар кесимида олинган маълумотлар оилавий муносабатларнинг барқарорлиги турли вилоятларда турлича эканини тасдиқлади.

Таҳлилларга кўра, Қашқадарё, Хоразм ва Сурхондарё вилоятларида никоҳ барқарорлиги бошқа ҳудудларга нисбатан юқори даражада сақланиб қолмоқда. Бу вилоятларда оилаларнинг мустаҳкамлиги ижобий кўрсаткичларни намоён этган.

Аксинча, Тошкент шаҳри, Сирдарё ва Тошкент вилоятларида ажримлар даражаси нисбатан юқори экани қайд этилди. Мазкур ҳудудларда оилавий ажримлар сони республика бўйича ўртача кўрсаткичлардан баландроқ экани кузатилган.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг