Қарздорлик сабабли Jetour Dashing хатланди
Мажбурий ижро бюроси Андижон вилоят бошқармаси томонидан қарздор Ю.М.дан "Микрокредитбанк" АTB фойдасига 388,8 млн. сўм кредит қарздорлигини ундириш ишлари олиб борилмоқда. Суд қарорига кўра, мазкур маблағни ундириш ва ундирувни гаровдаги автомашинага қаратиш белгиланган эди. Бироқ қарздор белгиланган муддатда қарорни бажармагач, Бюро ходимлари "ЖЕТОУР ДАШИНГ" русумли автомашинани хатладилар.
Мажбурий ижро бюроси Андижон вилоят бошқармаси иш юритувига фуқаролик ишлари бўйича Бўстон туманлараро судининг қарздор Ю.М.дан ундирувчи “Микрокредитбанк” АТБ Андижон вилояти филиали фойдасига 388,8 млн. сўм кредит қарздорлигини ундириш ва ундирувни гаровдаги автотранспорт воситасига қаратиш ҳақидаги ижро ҳужжати келиб тушган.
Ижро ҳужжати талабини ўз муддатида бажариши ҳақида қарздор огоҳлантирилган ва тушунтириш ишлари олиб борилган.
Бироқ, белгиланган муддатларда қарздор томонидан кредит қарзи тўланмаганлиги сабабли, Бюро ходимлари томонидан “JETOUR DASHING” русумли автомашина рўйхатга олиниб, хатланди.
Эндиликда, кредит қарзлари қайтарилмаса автомашина аукцион орқали сотувга қўйилиши мумкин.
Изоҳлар 0
…