Тошкент метроси 3 кун қисқартирилган жадвалда ишлайди
Тошкент метрополитенининг Ер усти ҳалқа йўналишида поездлар ҳаракати 17-19 июл кунлари вақтинча қисқартирилган жадвалга ўтказилиб, соат 06:00 дан 22:30 гача ишлайди. Ушбу ўзгариш йўловчилар хавфсизлигини янада кучайтириш мақсадида амалга оширилаётган техник назорат ишлари билан боғлиқдир. Мазкур кунларда мутахассислар Ер усти ҳалқа йўли бўйлаб жойлашган 14 та бекатни батафсил кўздан кечирадилар.
Тошкент метрополитенининг Ер усти ҳалқа йўли йўналишида поездлар ҳаракати вақтинча ўзгартирилади. 17–19 июль кунлари ушбу йўналишда метро поездлари одатдагидан эртароқ тўхтатилиб, соат 06:00 дан 22:30 гача қатновни амалга оширади.
“Тошкент метрополитени” ДУК маълум қилишича, мазкур ўзгариш йўловчилар хавфсизлигини янада кучайтириш мақсадида амалга оширилаётган техник назорат ишлари билан боғлиқ. Шу кунларда Ер усти ҳалқа йўли бўйлаб жойлашган 14 та бекат мутахассислар томонидан батафсил кўздан кечирилади.
Текширувлар давомида бекатларнинг конструктив ва техник ҳолати синчковлик билан ўрганилиб, инфратузилманинг ишончли ишлаши ҳамда юзага келиши мумкин бўлган носозликларнинг олдини олиш чоралари кўрилади.
Изоҳлар 0
…