14:36 / 07.10.2017
7 756

Ўзбекистонлик қорилар Маккада ўтказиладиган Халқаро Қуръони карим мусобақасида иштирок этади

Ўзбекистонлик қорилар Маккада ўтказиладиган Халқаро Қуръони карим мусобақасида иштирок этади
Жорий йилнинг 7—11 октябрь кунлари Саудия Арабистонининг Макка шаҳрида 24-Халқаро Қуръони карим мусобақаси ўтказилади. Ўзбекистон вакиллари бўлган Тошкент ислом институти битирувчиси Сайдуллоҳ қори Тоҳиров ва «Кўкалдош» ўрта-махсус ислом билим юрти талабаси Абдулбасир қори Камолов мазкур мусобақада иштирок этиш учун 2 октябрда Саудия Арабистонига жўнаб кетди. Бу ҳақда Ўзбекистон мусулмонлари идораси матбуот хизмати хабар берди.

Ушбу мусобақада 50 дан ортиқ давлатдан келган 200 га яқин қори иштирок этади. Мусобақа шартлари қуйидагилардан иборат:
1. Қуръон каримни тажвид қоидаси билан тўлиқ ёддан ўқиб бериши билан бирга, Қуръони каримдаги ояти карималарнинг тафсирини билиш.
2. Қуръон каримнинг 30-порасини тажвид қоидаси билан ёддан ўқиб бериш.
3. Қуръон каримнинг 15-порасини тажвид қоидаси билан ёддан ўқиб бериш.
4. Қуръон каримнинг 5-порасини тажвид қоидаси билан ёддан ўқиб бериш.
Ўзбекистон вакиллари мусобақанинг 2 ва 3-шартлари бўйича иштирок этади.


Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Ўзбекистонлик қорилар Маккада ўтказиладиган Халқаро Қуръони карим мусобақасида иштирок этади