Тошкент шаҳар прокуратураси Соғлиқни сақлаш вазирлиги ҳузуридаги Республика Онкология илмий марказининг собиқ директори, бош ҳисобчиси ва молия-иқтисод бўлими бошлиғига нисбатан Жиноят кодексининг 3 та моддаси бўйича жиноят иши қўзғатгани хабар қилинмоқда.
Тошкент шаҳар прокуратураси томонидан ўтказилган тезкор-қидирув ҳаракатлари давомида мазкур марказнинг бир гуруҳ раҳбарлари катта ҳажмдаги бюджет маблағларини ўғирлашларига алоқадор қатор жиноятлар ҳақида маълумот олинди.
Тезкор-қидирув давомида 2008-2016 йилларда Онкология маркази бош ҳисобчиси лавозимида ишлаган И.Ермичёва, 2000-2016 йилларда марказ директори лавозимида ишлаган С.Наврўзов ҳамда 2009 йилдан бери марказнинг молия-иқтисод бўлими бошлиғи бўлиб ишлаган Ф.Нарзиевлар жиноят ишида гумондор сифатида келтирилган.
Юқорида келтирилган шахслар 504,8 млн сўм миқдоридаги пул маблағларини ўзлаштиришда айбланмоқда. Мазкур ҳолат юзасидан Ўзбекистон Республикаси Жиноят кодексининг 167-моддаси 3-қисми “а” банди билан жиноят иши қўзғатилган.
Бундан ташқари, ушбу шахсларга нисбатан Ўзбекистон Республикаси Жиноят кодексининг 209-моддаси 2-қисми “а” банди билан жиноят иши қўзғатилган.
Ермичёва, Наврўзов ва Нарзиевлар марказ ҳаражатларини 802 млн сўмга кўпайтириб кўрсатган ҳолда, марказга тушган маблағларни камайтирганликда ва расмий ҳужжатларга сохта маълумотларни киритганликда айбланмоқда. Мазкур ҳолат юзасидан Ўзбекистон Республикаси Жиноят кодексининг 184-1-моддаси 3-қисми билан жиноят иши қўзғатилган.
Айни вақтда тергов ҳаракатлари давом эттирилмоқда. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Трамп Путинга қўнғироқ қилиб, Украинадаги урушни муҳокама қилди
Фронтдаги вазият: Россия ҳарбийлари Курск областида қарши ҳужумга тайёрланмоқда
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Рақобат қўмитаси биржада Аи-80 бензини бошланғич нархига чеклов ўрнатди
Украина ҚК бош қўмондони: “Фронтдаги вазият мураккаб ва кескинлашиши мумкин”
Иммунитетни кўтариш учун 6 та энг яхши витамин
