Грузиядан Грецияга учиб кетаётган самолётни яшин урди

Грузиянинг Кутаиси шаҳридан Грециянинг Салоникисига парвоз қилган самолёт Болгария пойтахти София шаҳри аэропортига қўнишга мажбур бўлди. Бунга ҳаво кемасига яшин ургани сабаб бўлган. Бу ҳақда «Rustavi 2» телеканалига таяниб Кун.уз хабар берди.

Телеканал маълумотларига кўра, бортда тахминан 170 йўловчи ва экипаж аъзолари бўлган.

Таъкидланишича, улардан ҳеч ким жабрланмади.

Айни дамда ҳаво кемасини текшириш ишлари олиб борилмоқда.