9 902
«Уларга ваколат берган одам йўқ ҳозир». Шавкат Мирзиёев МХХ раисининг собиқ ўринбосарини «сотқин» деб атади (аудио)
Ўзбекистон Президенти Шавкат Мирзиёев 19—20 январь кунлари Сурхондарё вилоятида бўлганди. Ташриф давомида 19 январь куни Қизириқ туманида вилоят фаоллари иштирокида йиғилиш бўлиб ўтган.
Ўзбекистон президенти Шавкат Мирзиёев Миллий хавфсизлик хизматининг собиқ генерали, МХХ раисининг собиқ биринчи ўринбосари Шуҳрат Ғуломовни хоин деб атади. Президентнинг Сурхондарё вилоятидаги йиғилишда айтган сўзлари ёзилган аудио интернетда тарқалган.
Унда президент ўтган даврда МХХ мулозимларига катта ваколатлар берилганини танқид қилади, деб ёзади Кун нашри.
Шавкат Мирзиёев нутқининг бу қисмида Миллий хавфсизлик хизмати собиқ мулозимларини танқид остига олган. Хусусан, МХХ раисининг собиқ биринчи ўринбосари Шуҳрат Ғуломовни «сотқин» деб атаган.
Булар (Миллий хавфсизлик хизмати ходимлари) ҳали халқнинг қадрига етмаган. Буларга берилган маош, берилган погонга лойиқ ишламаган. Бирорта иш қилгани йўқ. Буларнинг ўз махфий иши бор. Бу махфий иши менга боғлиқ. Мен билан гаплашсин. Ҳокимнинг орқасидан қувиб юриш замони тугади.
Ҳоким — менинг вакилим. Нима эмиш, бир ноинсоф, бир туманнинг МХХ раисининг машинасини ҳокимнинг машинаси қувиб ўтибди. Шунга бориб, уни қамаб қўйибди. Эй, кимсан ўзи сан? Ким сенга бу ваколатни берди? Керак бўлса, мен сенинг погонингни олиб ташлайман! У замон ўтиб бўлди.
Сурхондарёдаги вазият нима учун менга алам қилади? Мен 13 йил бош вазир бўлганман. Бу ердаги вазиятни биламан. Ҳоким ҳеч ким эмасди. Ҳамма вилоятнинг ҳокими уларнинг кабинетида эди. Салгина гап кўтарса, дарров ғийбат қилиб, ишдан олиб ташларди. «Бу ўғри, бу тўғри», деб. Жуда бўлмаса битта ғийбатни бўйнига қўярди. У замон тугади.
Мен бирортасига ишонмайман. Булардан бирортасининг маълумоти менга керак эмас. Шуни билинглар. Тўрт раҳбар — ишла! Ватан учун ишла, халқ учун ишла! Улар (МХХ вакиллари) — ҳеч ким эмас! Уларга ўша ваколатни берган одам ҳозир йўқ. Қанчалик оғир бўлмасин, бу Сурхондарёга тааллуқли.
Бу масалада Сурхондарё чириб кетган. Шунинг учун ҳам бу ерга бирорта бизнесмен келмаган. Булардан қўрқиб келмаган. Келдими, дарров қамарди. «Бу Фалончининг одами, бу Пистончининг одами, бу ҳокимнинг пул берадиган одами», деб. Сен кимсан? Пул бермайдиганмидинг сен, Ғуломов деган ифлосинг, сотқининг? Поранинг бошида ўзи ўтирарди-ку ҳаммаси.
Шавкат Мирзиёев, Ўзбекистон Президенти
Ҳоким — менинг вакилим. Нима эмиш, бир ноинсоф, бир туманнинг МХХ раисининг машинасини ҳокимнинг машинаси қувиб ўтибди. Шунга бориб, уни қамаб қўйибди. Эй, кимсан ўзи сан? Ким сенга бу ваколатни берди? Керак бўлса, мен сенинг погонингни олиб ташлайман! У замон ўтиб бўлди.
Сурхондарёдаги вазият нима учун менга алам қилади? Мен 13 йил бош вазир бўлганман. Бу ердаги вазиятни биламан. Ҳоким ҳеч ким эмасди. Ҳамма вилоятнинг ҳокими уларнинг кабинетида эди. Салгина гап кўтарса, дарров ғийбат қилиб, ишдан олиб ташларди. «Бу ўғри, бу тўғри», деб. Жуда бўлмаса битта ғийбатни бўйнига қўярди. У замон тугади.
Мен бирортасига ишонмайман. Булардан бирортасининг маълумоти менга керак эмас. Шуни билинглар. Тўрт раҳбар — ишла! Ватан учун ишла, халқ учун ишла! Улар (МХХ вакиллари) — ҳеч ким эмас! Уларга ўша ваколатни берган одам ҳозир йўқ. Қанчалик оғир бўлмасин, бу Сурхондарёга тааллуқли.
Бу масалада Сурхондарё чириб кетган. Шунинг учун ҳам бу ерга бирорта бизнесмен келмаган. Булардан қўрқиб келмаган. Келдими, дарров қамарди. «Бу Фалончининг одами, бу Пистончининг одами, бу ҳокимнинг пул берадиган одами», деб. Сен кимсан? Пул бермайдиганмидинг сен, Ғуломов деган ифлосинг, сотқининг? Поранинг бошида ўзи ўтирарди-ку ҳаммаси.
Шавкат Мирзиёев, Ўзбекистон Президенти
«Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Германияда ишлаш истагида бўлган ўзбекистонлик мутахассислар учун немис тили ўргатилади
Мигрантларни Россиядан чиқариб юборишнинг янги тартиби таклиф этилди
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Японларни дунёдаги энг узоқ умр кўрувчи миллатга айлантираётган фойдали одатлар
Москва аэропортларида 1000 га яқин тожикистонлик қолиб кетди
“Толибон” Афғонистоннинг Хост вилоятида беш нафар фуқарони қамчи билан жазолади
Учар автомобил йўловчи билан биринчи парвозини амалга оширди (видео)
Мария Захарова украиналикларни Америка ҳиндуларига ўхшатди
