Тошкентдаги энг совуқ Янги йил кечаси бундан 125 йил кузатилгани маълум қилинди

Тошкент шаҳридаги энг совуқ Янги йил оқшоми бундан 125 йил муқаддам – 1889 йили кузатилган. Бу ҳақда, “Ўзгидромет”га асосланиб, “Даракчи” газетаси хабар бермоқда.

Хабар беришларича, Тошкент шаҳридаги энг илиқ янги йил кечалари XXI асрда кузатилган. 2009 йил 31 декабрь оқшомида ҳаво ҳарорати +17,7 даража илиқ бўлган бўлса, кейинги йил – 2010 йил 31 декабрида Янги йил +19,1 даража илиқ ҳаво остида кутиб олинган.

Айни вақтда, Ўзбекистон пойтахтидаги энг совуқ Янги йил оқшомлари XIX ва XX асрларда кузатилган. Хусусан, 1929 йил 31 декабрида ҳаво ҳарорати -20,8 даражагача совиган бўлса, 1889 йили 31 декабрида кузатувлар тарихидаги энг қаҳратон Янги йил бўлиб ўтган – шу куни Тошкент шаҳридаги ҳаво ҳарорати -27,5 даражагача совиган.

Манба: Kun.uz «Замин»ни Telegram’да ўқинг!