Ўзини поезд тагига ташлаган аёлнинг шахси маълум бўлди

Тошкент метросининг «Беруний» бекатида ўзини секин юриб келаётган поезд йўлига ўзини ташлаб юборган аёлнинг шахси маълум бўлди.

Аниқланишича, ўз жонига қасд қилмоқчи бўлган аёл руҳий хаста бўлган. Олмазор туманида истиқомат қилган, 1978 йилда туғилган Муҳаббат А. тегишли тиббий муассасаларида ҳисобда туради.

Айни дамда аёл касалхонада бўлиб турибди, у енгил жароҳатлар олган.

Эслатиб ўтамиз, аввалроқ 19 март куни соат 21:00 атрофида Тошкент метрополитенининг «Беруний» бекатида йўловчилардан бири ўзини поезд йўлига ташлагани хабар берилганди. «Kun.uz» манбаси маълумотига кўра, тахминан 30-35 ёш атрофида бўлган аёл бекатга секин юриб келаётган поезд йўлига ўзини ташлаб юборган. Метрополитен ходимлари уни тезда чиқариб олишган. Воқеа жойига чақирилган шифокор аёлнинг руҳий ҳолатида муаммолар борлигини аниқлаган.