10:26 / 10.07.2018
3 695

Омбудсман Каттақўрғондаги ҳодисага муносабат билдирди

Омбудсман Каттақўрғондаги ҳодисага муносабат билдирди
Ўзбекистон Олий мажлисининг инсон ҳуқуқлари бўйича вакили (омбудсман) Улуғбек Муҳаммадиев Самарқанд вилояти Каттақўрғон ИИБда аёл кишини таҳқирлаш билан боғлиқ ҳодисага муносабат билдирди, деб ёзади «Газета.uz».

Омбудсман ҳодисани «аёл ва онага бўлган муносабат қадр-қийматини камситувчи ва ғайриинсоний ҳолат» деб атади ва у қонунчиликка асосан жазо ва жамоатчилик танбеҳига лойиқ эканлигини маълум қилди.

Улуғбек Муҳаммадиев мазкур ишни кўриб чиқиш жараёнини кузатиб бориш ниятида эканлиги ва бу ҳақда Бош прокуратурага талабнома юборилганлигини билдирди. Омбудсманнинг Самарқанд вилоятидаги ҳудудий вакилига суд мажлисларида иштирок этиш вазифаси юклатилган.

«Мазкур ҳолат ички ишлар органлари ходимлари ўртасида уларнинг ҳулқ-атвор этикаси ва ‘Ички ишлар органлари ҳақида’ги қонунда кўзда тутилган меъёрларни сўзсиз бажариши юзасидан кенг кўламли тушунтириш ишлари ташкил этиш учун бошланғич нуқта бўлиши лозим», — дейилади омбудсман баёнотида.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)