Олий ўқув юрти талабаси фоҳишахона ташкил қилгани аниқланди

Бухоро шаҳар ИИБ ходимлари томонидан Бухоро шаҳри И.Мўминов кўчасида яшовчи, 1994 йилда туғилган, Муҳандислик технология институти талабаси Ширинов Ҳусанбой Ҳамид ўғли текин бойлик орттириш мақсадида ўз уйида фоҳишахона ташкил қилган. Бу ҳақда Бухоро вилояти ИИБ хабар қилди.

У Ромитан туманида яшовчи 18 ёшли Ш.Т. ва Ғиждувон туманида яшовчи 24 ёшли Б.Н.лар учун алоҳида жой ва шароит яратиб беради.

Бунинг эвазига Ш.Тдан 60.000 сўм миқдоридаги нақд пулларни олиб, фоҳишахона ташкил қилиш жиноятини содир қилганлиги аниқланди.

Ушбу ҳолат юзасидан Ширинов Ҳусанбой Ҳамид ўғлига нисбатан ЖКнинг 131-моддаси 2-қисми билан жиноят иши қўзғатилиб, тергов ҳаракатлари олиб борилмоқда. «Замин»ни Telegram’да ўқинг!