12:52 / 07.10.2018
4 851

Тадбиркор Фазилат Нормуродова: «Мени туман ҳокими калтаклади!!!»

Тадбиркор Фазилат Нормуродова: «Мени туман ҳокими калтаклади!!!»
Воқеа Қашқадарё вилоятининг Косон туманида содир бўлган. «Анҳор» нашри хабарига кўра, тадбиркор Фазилат Муродовани туман ҳокими Бахтиёр Ражабов шафқатсизларча калтаклаган. Нега?..

— Мен ҳокимнинг қабулига келгандим, — дея давом этади тадбиркор. — Ариза бергандим, шу аризамнинг тақдири нима бўлганидан хабар олиш ниятим бор эди. Мени кўрди-ю, ҳоким жаҳл отига минди. Мени иғвогар ва нуқул порталга шикоят қиладиган туҳматчи дея ҳақоратлади. Мен айтдимки, менинг муаммоларим ўз ечимини топмаяпти. Портал худди шундай масалаларни ҳал этишда фуқароларга берилиши учун тузилганини айтиш билан гапимни якунладим ва чиқиб кетдим. Сал ўтмай ҳоким ҳам ортимдан чиқди. Мен ундан буёғига нима қилишимни сўрагандим, мени ҳақоратлай кетди. Бу ҳақоратларга чидаб тура олмадим. Ҳақоратлари учун юқори ташкилотларга арз қилишимни айтдим. У эса кутилмаганда менга ташланиб, бўға бошлади. Бир қўли билан бўғди, иккинчи қўли билан дуч келган еримга қўл зарбалари йўллай бошлади. Бизни ўткинчилар айириб қўйишди….

Калтаклашлардан кейин Нормуродова касалхонага тушиб қолган. Врачлар унга мия чайқалиш ташҳисини қўйишди. Аёл ҳокимнинг устидан прокуратурага шикоят аризаси билан мурожаат этди. Ҳозир республика прокуратура ходимлари ушбу факт бўйича текширув ишларини олиб бормоқда. Ҳоким эса телефон орқали суҳбатда ўз айбини қатъиян рад этди. Айни пайтда ўз ишлари билан бандлигини, унинг аёлларга қўл кўтарадиган одати йўқлигини алоҳида таъкидлади.

Айни лаҳзаларда журналистлар прокуратурадан шу масаладаги янги фактларни аниқлашга ҳаракат қилишмоқда.

Манба: Hordiq.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Тадбиркор Фазилат Нормуродова: «Мени туман ҳокими калтаклади!!!»