Кимларга хавфсизлик камарини тақмасликка рухсат берилади?

Ўзбекистонда баъзи тоифадаги шахсларга автомобиль бошқарувида хавфсизлик камарини тақмасликка рухсат берилади, деб ёзмоқда Адлия вазирлигининг “Ҳуқуқий ахборот” каналига таяниб Даракчи нашри:

- автомобилнинг орқа ўриндиғидаги 12 ёшгача бўлган болалар;

- транспорт воситасини ўқувчи бошқараётган вақтда автомототранспорт воситасини ёки шаҳар электр транспортини бошқаришни ўргатувчи амалий машғулотлар инструктори;

- ҳомиладор аёллар, саломатлиги хавфсизлик камари тақиш имконини бермайдиган бемор йўловчилар;

- орқага ҳаракатни амалга ошираётган ҳайдовчилар;

- аҳоли пунктларида ҳаракатланишда — йўналишли такси ҳайдовчилари, таксининг орқа ўриндиғидаги йўловчилар;

- аҳоли пунктларида ташқи қисмига махсус рангли график чизмалар чизилган транспорт воситалари ҳайдовчилари ва йўловчилари. «Замин»ни Telegram’да ўқинг!