“Маша ва айиқ” мультфильми “Кремлни тарғибот қилиш машинасининг қисми” сифатида баҳоланди

Британиянинг "The Sunday Times" газетаси Россияда ишланган “Маша ва айиқ” (ўзбекчага "Қизалоқ ва маймоқ" деб таржима қилинган – таҳририят изоҳи) мультфильми “Кремлни тарғиб қилиш машинасининг бир қисми” эканлигини қайд этди.

Газетада чоп этилган мақола муаллифи томонидан ўтказилган сўровга кўра, барча экспертлар бу фикрни қўллаб-қувватлаган. Улар мультфильмнинг нафақат болалар, балки катталарга ҳам Россия телевидениеси тарғиботи сифатида таъсир кўрсатишини таъкидлаганлар.

Букингем университети профессори Энтони Глис томонидан ёзилган ушбу мақолада мультфильм бош қаҳрамони Маша “ёвуз ва жирканч” деб аталган.

Бундан илгарироқ ҳам “Маша ва айиқ” мультфильми танқид этилган бўлиб, Россиянинг Латвия, Литва ва Украина каби давлатларга нисбатан қўлланаётган “Россиянинг юмшоқ босими” сифатида аталган.

“Маша ва айиқ” Россия мультипликацион сериали “Анимаккорд” анимация студияси томонидан суратга олинган ва кенг жамоатчилик аудиториясига мўлжалланган. Бу мультфильм намойиши 2009 йилдан бошланган бўлиб, уч ўлчамли графика асосида суратга олинган.

2011 йили фильмнинг биринчи “Машанинг эртаклари” деб номланган спин-оффи ҳам чиқарилган бўлиб, у рус халқ ва бошқа эртаклар мотивлари асосида яратилган.

2014 йилдан экранга “Машанинг қўрқинчли ҳикоялари” спин-оффи чиқарилган.

Ушбу мультсериал Россиядан ташқари, Буюк Британия, Германия, Франция, Италия, Испания, Канада, Лотин Америкаси давлатлари ва бошқа телеканаллар орқали трансляция қилиб келинмоқда.

Биргина Италия давлатининг ўзида бу мультфильм 900 та кинотеатрда намойиш қилиниб, 4,5 млн евро маблағ ишлаган. 2017 йили Туркиядаги томошалари биринчи уч кунлигида 125 833 киши томонидан кўрилган мультфильм мазкур муддат даврига кўра рекорд ўрнатган. “Замин” янгиликларини “Youtube”да кузатиб боринг